Naudas racēji iztraucēti

From Pasakas un teikas
Jump to: navigation, search

Juoņa dīnas naktī divi puiši guoja naudas raktu. Atguoja jī uz tū vītu, kur beja nauda, un suoka rakt. Pa vysu rakšonas laiku jīm nabeja breivi runuot. Jī roka, roka un jau luopstas suoka skanēt ap zalta kasti. Pasavēŗa puiši uz augšu un verās: dūbes molā stuov ļūti daudz soldotu. Vīns nu jīm soka: "Pasaveŗ, cik daudz soldotu pīguojis!" — "Vysim pītiks!" atbildēja ūtrais. Jau jī suoka ceļt kasti augšā, kai īsavēŗa, ka uz jū viersā kreit lels, lels zyrgs. Puiši nūsabeida, un naudas kaste izkrita nu rūkom. Tyuleņ pazuda zyrgs, pazuda soldoti, un naudas kaste ryukdama īsagrīzja zemes dziļūmā. Tai puiši atguoja tukšom rūkom uz sātu.

Personal tools
Namespaces

Variants
Actions
Navigation
Project
Categories
Add
Tools
Toolbox