Naudas racēji iztraucēti

From Pasakas un teikas
Jump to: navigation, search

Symtu godu tam atpakaļ nūtika taids gadējums. Divi maitinys dzyna raizi lūpus uz Daugovas malu ganīt. Vīna nu juom lasēja pī yudeņa akmisteņus un īraudzēja yudenī pūda rūku. Jei, nikuo nadūmuodama, sajēme tū un pacēle uz augšu. Tys pūds beja ar zalta naudu. Maitine palyka prīcīga, ka īraudzēja tyk daudz zalta naudys. Jei gribēja nest tū pūdu da sātai. Ko jei nas tū pūdu ar naudu, jai ruoduos prīškā leli meži, pļovas, azari un taida baileiga vīta, ka jai nikuodi navar uz sātu, bet kad nūlīk tū pūdu uz zemi un izbierst vysa nauda, tūlaik maitine atguoja da sātai. Ka jei apguluos vokorā, tad nakti jai pasaruoda sapinā cylvāks, kurs naseņ myra un soka, lai jei īt nakti un salosa izbārtū naudu. Pyrmū nakti maitine naguoja lasēt. Tod tys cylvāks pasaruodēja ūtru un trešu nakti un nalika mīra, lai tei otkon īt un salosa naudu. Catūrtā naktī jei ap pulkstens divpadsmitim nakti aizguoja uz Daugovas molu un salasēja tū naudu. Kad jei pacēla pūdu uz augšu, pūdam rūka attryuka un tys nūkryta uz zemi. Tad zeme pasašķēlēs un pūds nūkryta cauri zems. Un maitine nūsabreinovuse aizguoja da sātai.

Personal tools
Namespaces

Variants
Actions
Navigation
Project
Categories
Add
Tools
Toolbox