Burvis pārvērš cilvēku par vilkatu

From Pasakas un teikas
Jump to: navigation, search

Seņ, seņ tys beja. Vīnā mīstiņā, natuoli nu meža, stuovēja krūgs. Tymā krūdziņā beja sataiseitas lelas kuozas krūdzinīka meitai. Dzēŗa un dancuoja vysu nedeļu. Turpat dzeivuoja vīns ubogs, vacs, sierms vecīts ar garu boltu bordu. Jis dabuojis tū zynuot, ka krūgā ir kuozas, sadūmuoja aizīt maizes papraseit. Atguoja un suoka lyugt, bet krūdzinīks dusmīgs izsvīdja ubogu uorā nu ustobas. Nabadziņš vēl reizi liydzja, let krūdzinīks tū izsvīdja pa durovom laukā uz sātas, teikdams: "Ej mežā pi vylkim un prosi maizes!" Ubogs suoca rauduot un soka: "Ja jyus mani pi vylkim syutīt, tad paši paliksit par vylkim!" Un tikkū jis pasacīja tū, kai vysi cylvāki, kuri beja krūgā, payka par vylkim, un aizskrēja uz mežu. Ubogs laimīgs īguoja otkon krūgā un palyka tur dzeivuot krūdzinīka vītā par kungu. Bet krūdzinīks ar vysu sovu saimi vēl tagad skraida mežā, jo medinīki nav jūs nūšuovuši.

Personal tools
Namespaces

Variants
Actions
Navigation
Project
Categories
Add
Tools
Toolbox