Raganas vajā cilvēkus

From Pasakas un teikas
Jump to: navigation, search

Tys beja ļūti seņ, kad vēļ pa zemi staiguoja roganas. Dzeivuoja vīns zemnīks ar sovu sīvu un jīm Dīvs devja dālu. Zemnīks pajēmja bārnu un vedja uz baznīcu kristīt. Rogonai ari pīdzyma dāls un viņa dūmuoja, ka juos dāls ir ļūti smuks, kaut gon jis beja valns, bet na cylvāks. Kad zemnīki brauca caur mežu, rogonai īsagribēja pasavērt cylvāku bārna, vai ir jis leidzīgs viņas dālam. Viņa pasaslēpja kryumūs un sabaidīja zyrgu. Zemnīks ar sīvu tikkū naizkrita nu rotim, bet sīva pazaudēja bārnu. Cikom jī tur pynuos ap zyrgu, rogona saleidzynojūt sovu bārnu ar zemnīka dālu, īraudzēja, ka juos bārns nav leidzīgs eistam bārnam. Sasadusmuoja rogona un pajāmja zemnīka dālu pi sevis, bet jīm atstuoja sovu dālu un aizbāga. Zemnīki suoka meklēt sovu bārnu un īraudzējuši rogonas dālu napajēmja juo, jo redzēja, ka jis ir valns. Sīva rauduodama aizbraucja uz sātu un izstuostīja vysu cytim zemnīkim. Zemnīki sasalasīja un atbraucja leidz tai vītai, kur gulēja rogonas dāls. Juo vairuok tur nabeja, bet tur gulēja začīts. Zemnīks teicja sīvai: "Pajemsim začīti, lai dzeivoj pi mums!" un pajēmja. Atvedja uz muojom un sīva skotas — otkon valns, bet na začīts. Zemnīks gribēja nūsist, bet sīvai žāl palyka un viņa atstuoja valnu. Tai tys valns dzeivuoja, kai dāls zemnīkam. Sīva jau paša palyka troka, bet veirs vys gribēja, kai nabejis nūsist valnu. Vīnu reizi jis, kad sīva gulēja ar valnu, pajēmja ciervi un atcierta valnam golvu. Reitā, kad pīguoja pi gultas, redz, ka otkon valns vasals, bet sīvai nav golvas. Vēl vairuok dusmīgs jis pajēmja valnu un īsvīdja gunī. Reitā īt laimīgs pasavērt valna kaulu, bet tovu breinumu — valna vītā jis sadadzynuoja sovu pazudušū dālu. Nu lela žāluma zemnīks nūmyra, bet valns laimīgs atskrēja pi sovas muotes un izstuostīja jai vysu. Rogona otkon pījēmja jū un braucja pa pasauli uz sovas slūtas leidz tam laikam, cikom Dīvs aizlīdzia jīm braukuot.

Personal tools
Namespaces

Variants
Actions
Navigation
Project
Categories
Add
Tools
Toolbox